კონფიდენციალურობის პოლიტიკა

დამუშავებისთვის პასუხისმგებელი პირი

წინამდებარე პოლიტიკით განსაზღვრული პერსონალური მონაცემების დამუშავებისთვის პასუხისმგებელი პირია AuraHR, თბილისი, უნივერსიტეტის ქუჩა 24. საკონტაქტო ელფოსტა: privacy@aurahr.ge.

რა მონაცემებს ვამუშავებთ

• ანგარიშის მონაცემები: სახელი, გვარი, სამუშაო ელფოსტა და რეგისტრაციისას მითითებული ინფორმაცია კომპანიის შესახებ;
• ავტორიზაციის მონაცემები: ელფოსტაზე გაგზავნილი ერთჯერადი კოდი, ან Google-ისა თუ Microsoft-ის ანგარიშის იდენტიფიკატორი (თუ მათი მეშვეობით შედიხართ). ჩვენ თქვენს პაროლს არ ვინახავთ და მასზე წვდომა არ გვაქვს;
• პანელში განხორციელებული აქტივობა: ვაკანსიები, შეფასების კრიტერიუმები, შენიშვნები და ქმედებათა ჟურნალი (audit log), რომელსაც უსაფრთხოების მიზნით ვინახავთ;
• კომუნიკაცია: შეტყობინებები და უკუკავშირი, რომლებსაც გვიგზავნით;
• ტექნიკური მონაცემები: მოწყობილობისა და ბრაუზერის ტიპი, IP მისამართი, სერვერის ლოგები და ხარვეზების ანგარიშები;
• თქვენი თანხმობის შემთხვევაში — ანალიტიკური მონაცემები იმის შესახებ, თუ როგორ იყენებთ ვებგვერდსა და პანელს (დეტალურად იხილეთ ქუქი-ფაილების პოლიტიკაში).

დამუშავების მიზნები და სამართლებრივი საფუძვლები

• ანგარიშის შექმნა და სერვისის მიწოდება: აუცილებელია თქვენ მიერ მოთხოვნილი მომსახურების გასაწევად და თქვენს კომპანიასთან გაფორმებული ხელშეკრულების შესასრულებლად;
• სისტემური შეტყობინებები (ავტორიზაციის კოდები, მნიშვნელოვანი ცნობები სერვისის შესახებ): აუცილებელია ხელშეკრულების შესასრულებლად;
• უსაფრთხოების უზრუნველყოფა, თაღლითობისა და ბოროტად გამოყენების პრევენცია, ტექნიკური ხარვეზების აღმოფხვრა: ჩვენი ლეგიტიმური ინტერესი;
• პროდუქტის გამოყენების ანალიტიკა: მხოლოდ თქვენი წინასწარი ნებაყოფლობითი თანხმობის საფუძველზე, რომლის გამოხმობაც ნებისმიერ დროს შეგიძლიათ ქუქი-ფაილების პარამეტრებიდან;
• კანონმდებლობით დაკისრებული მოვალეობების შესრულება (მაგალითად, საგადასახადო და ბუღალტრული აღრიცხვა): სამართლებრივი ვალდებულება.

მონაცემთა მოწოდების სავალდებულოობა

ამ მონაცემების მოწოდება კანონით სავალდებულო არ არის. თუმცა სახელის, გვარისა და ელფოსტის გარეშე ვერ შეიქმნება ანგარიში და ვერ მოგაწვდით მომსახურებას.

პირდაპირი მარკეტინგი

AuraHR-ის სიახლეებსა და პროდუქტის შეთავაზებებს გამოგიგზავნით მხოლოდ იმ შემთხვევაში, თუ ამაზე გაცხადებული თანხმობა გაქვთ მოცემული. თანხმობის გამოხმობა შეგიძლიათ ნებისმიერ დროს, თითოეულ წერილში მითითებული ბმულით ან ჩვენთან დაკავშირებით. ასეთ შეტყობინებებს შევწყვეტთ მოთხოვნის მიღებიდან არაუგვიანეს 7 სამუშაო დღისა.

მონაცემთა მიმღებები

ჩვენი ქვეკონტრაქტორები და მომსახურების მიმწოდებლები, რომლებიც ჩამოთვლილია „მომსახურების მიმწოდებლების“ გვერდზე, მონაცემებს ამუშავებენ მხოლოდ ჩვენი მითითებების საფუძველზე და კონფიდენციალურობის მკაცრი დაცვით. სახელმწიფო ორგანოებს მონაცემები გადაეცემა მხოლოდ კანონმდებლობით პირდაპირ გათვალისწინებულ შემთხვევებში. ჩვენ არ ვყიდით პერსონალურ მონაცემებს და არ გადავცემთ მათ მესამე პირებს სარეკლამო მიზნებისთვის.

მომსახურების მიმწოდებლები

მონაცემთა გადაცემა საზღვარგარეთ

ანგარიშის მონაცემები ინახება ევროკავშირის ტერიტორიაზე (გერმანია). სისტემური ელფოსტის გაგზავნასა და ტექნიკურ მონიტორინგს ემსახურებიან პარტნიორი ორგანიზაციები აშშ-ში. მონაცემთა საერთაშორისო გადაცემა ხორციელდება მხოლოდ „პერსონალურ მონაცემთა დაცვის შესახებ“ საქართველოს კანონით განსაზღვრული საფუძვლებითა და სათანადო გარანტიების დაცვით.

მონაცემთა უსაფრთხოება

ჩვენ ვიყენებთ თანამედროვე ტექნიკურ და ორგანიზაციულ ზომებს: მონაცემთა დაშიფვრას გადაცემისას და შენახვისას, წვდომის მკაცრ შეზღუდვას თანამშრომელთა როლების მიხედვით და სისტემაში ქმედებათა უწყვეტ ჟურნალირებას. დეტალური ინფორმაცია იხილეთ „უსაფრთხოების“ გვერდზე.

უსაფრთხოება

მონაცემთა შენახვის ვადა

ანგარიშის მონაცემებს ვინახავთ თქვენი ანგარიშის აქტიურობის პერიოდში. ანგარიშის გაუქმების შემდეგ მონაცემები იშლება, გარდა იმ ფინანსური და სამართლებრივი დოკუმენტაციისა, რომლის შენახვასაც კანონმდებლობა გვავალდებულებს. სერვერის ტექნიკური ლოგები ინახება 30 დღემდე. ანალიტიკური მონაცემების შენახვის ვადები მითითებულია ქუქი-ფაილების პოლიტიკაში.

მონაცემთა სუბიექტის უფლებები

საქართველოს კანონმდებლობის შესაბამისად, თქვენ უფლება გაქვთ უსასყიდლოდ მოითხოვოთ: ინფორმაცია თქვენი მონაცემების დამუშავების შესახებ, მონაცემთა გაცნობა და მათი ასლი, მონაცემთა გასწორება, განახლება, დამუშავების შეწყვეტა, წაშლა ან განადგურება, დაბლოკვა, მონაცემთა გადატანა და თანხმობის გამოხმობა. მოთხოვნაზე პასუხს გაწვდით არაუგვიანეს 10 სამუშაო დღისა, ხოლო დაბლოკვის მოთხოვნაზე — 3 სამუშაო დღის ვადაში. განსაკუთრებულ შემთხვევებში 10-დღიანი ვადა შეიძლება გაგრძელდეს დამატებით 10 სამუშაო დღით, რის შესახებაც დაუყოვნებლივ გეცნობებათ. უფლებების გამოსაყენებლად დაგვიკავშირდით: privacy@aurahr.ge.

გასაჩივრების უფლება

თუ მიიჩნევთ, რომ მონაცემთა დამუშავებისას დაირღვა თქვენი უფლებები, უფლება გაქვთ მიმართოთ პერსონალურ მონაცემთა დაცვის სამსახურს ან სასამართლოს.

ცვლილებები პოლიტიკაში

პოლიტიკის არსებითი ცვლილების შესახებ ანგარიშის მფლობელებს ელფოსტით წინასწარ ვაცნობებთ.